2013年英國探親之旅 - 自家種水果之溫室水果

毛爺兩公婆

佢地種野係分開地方的

毛爺係屋企外種

毛麻呢就係屋企既花園

花園入面有個溫室

係毛麻既種野專區

由佢一手一腳打理的

 

呢D大大個吊係到既

係溫室MELON

我唔知係咩品種

就咁睇就似蜜瓜

但因為未熟無得食

真係唔食過唔知係咩瓜黎喎

 

 

 

 

 

你地又知唔知呢D係咩黎呢?

係香港好少見到佢既真身的

我識呢種水果既真係

都係去左英國先學到架

開估啦, 呢D係無花果

我諗你地大多數都係見過乾既

熟左既係夏天尾同秋天都會見到超市有

未熟就係綠色

熟左會變深紅色

有食過係超市買既

你地應該知道價錢架啦

今次好似係第一次見毛麻種無花果

可惜又係未熟無得試啦! 

呢D唔使我講都知係咩啦

不過你地唔好以為係青提

毛爺話係紅提子黎架

見到青BB就知又係未熟啦



 

毛麻既溫室雖然唔係話好大

但都種左幾多野下

水果只係其中種既一部份

係溫室入面仲有種其他野的

等我慢慢再同大家講

2013年英國探親之旅 - 自家種水果之杏桃

睇開我BLOG既朋友

都知道毛爺毛麻係英國自家種好多野

每次我地可以食到咩

就視乎我地邊個月份番去

今年係8月, 正好就係杏果成熟時

呢D杏種係屋企後面幅牆到

就係咁樣生出黎架啦

 

其實種既面積幾細下架

但生出黎既果就有好多

我地到時已經差唔多係水尾

好多已比毛爺摘左架啦
又有幾多比我行開摘黎食左

 



 

係香港超市7-8月份都會有得買

但唔食過自家種既

都唔知原來好大分別架

 



係超市買既係硬身好多

水份唔多, 味道好淡

一盒既價錢都唔平

 

但毛爺出品超軟

味濃加充滿水份

真係好食好多

原本想帶D番香港的

但毛爺話唔擺得耐架

所以我係英國一有機會就食佢

變 - 舊公司

以前係舊公司

一直都係同兩個老闆鬥長命

成日都望佢地快D調走

又或者快D派新人黎

係我未望到呢樣野時

已經搵左依家呢份工, 離開左舊公司

係年幾後既今日

我望左好耐既事, 終於發生

舊同事同我講佢地有兩個新老闆

係上星期黎左舊公司上任

不過好奇怪

因為今次新人黎係由大大老闆親自出面講

我係舊公司咁耐, 從來轉老闆

都係由舊人帶新人一後時間

新人上手後, 舊人就調番大陸

未試過由大大老闆出面的

同事話今次未講舊老闆們會唔會走

所以家間公司有4個老闆同時係到

但職員只有7個, 真係攪笑

唔知舊老闆仲會留幾耐

亦唔知新老闆接手後會有咩變動

作為打工仔的我們

係呢D情況下真係超被動的

希望唔會對做左好耐既SALES MANAGER有影響啦!



變

上星期新阿頭出電郵 

話今日有野同我地講

一早收到風，係關英國總部過邊有變動

因為係international 改

而我地都屬international，所以都算關我地事

新阿頂超like講野

可以不停口講成粒鐘

今次都係講成個鐘

變動第一個影響到係前鬼佬阿頂！

亞洲比唔到位佢，要先番英國，唔知佢會點

對我地香港暫時無消息

唔知係咪等於好消息?!

人試我又試下啦！

堂細妹話我知用開戶blog會接埋。
見到睇開既bloggers都轉左黎呢到
咁我都開一個黎試下啦
唔知有咩好
亦唔知同以前有咩分別
開左一個先，睇定D再諗啦！